Газрын доорх баялагыг гадаадын хүмүүст өгвөл өчиггүй ал /Чингис хаан/

Афоризм

- Газрын доорх баялагыг гадаадын хүмүүст өгвөл өчиггүй ал /Чингис хаан/

- Саруул ухаанаас илүү сайхан нөхөр гэж үгүй

Мунхаг хэл амаас илүү дайсан үгүй

Ариун явдалаас илүү амьд өлзийтэй зүйл гэж үгүй /Чингис хаан/

- Нойр гэгч биеийг тэжээх бөгөөтлөө унтаж хэтэрвэл өвчин болно.
Жаргал гэгч хүний эрэлт бөгөөтлөө жаргаж хэтэрвэл зовлон ирнэ. /Чингис хаан/

- Алд бие минь алжааваас алжаатугай

Ахуй төр минь бүү алдартугай /Чингис хаан/

- Олон улсыг баръя гэвэл биеийг нь хураахаас сэтгэлийг нь хураахтун.

Сэтгэлийг нь хурааваас бие нь хаа одох вэ? /Чингис хаан/

- Хоёр наран гарваас худгийн ус ширгэ юу

Хоёр хаан сууваас хамаг улс барагдъ юу /Чингис хаан/

- Шадарлан явж хүчээ өгсөн бол сарьсан дээлтэд ч суудал өгч ноён босго. /Чингис хаан/

- Төр ёсны олсыг цэцдээс асууж сурагтун. /Чингис хаан/

- Ханьсан нийлэн явахад хашин бяруу мэт ханилан яв

Харьтан дайсан лугаа харвалдахад харцага шувуу мэт яв. /Чингис хаан/

- Эвийн хаан засаг залваас түмэнд өлзийтэй./Чингис хаан/

- Бие баатар болбоос нэгэн үеийн баатар

Билэг баатар болбоос түмэн үеийн баатар. /Чингис хаан/

- Биеийн бөхөөр нэгийг ялъюу

Сэтгэлийн бөхөөр олныг ялъюу /Чингис хаан/

- Саруул ухаанаас илүү сайн нөхөр байдаггүй. /Чингис хаан/

- Үгэнд ижилдвэл цэцэн болох

Илдэнд ижилдвэл баатар болох. /Чингис хаан/

- Давшгүй даваа бий гэнэм

Хэрхэн давах хэмээн бүү сэтгэ.

Давъя хэмээн сэтгэвээс давагдъюу

Гэтлэшгүй мөрөн бий гэнэм

Хэрхэн гэтлэх хэмээн бүү сэтгэ

Гэтэлье хэмээвээс гэтэлъюу /Чингис хаан/

- Өндөр уулын хөтөл зорь

Өргөн далай өргөн зорь

Хол хэмээн бүү цөх

Явбаас хүрьюу

Хүнд хэмээн бүү цөх

Өргөвөөс даагдьюу /Чингис хаан/

- Энэ бие хэврэг боловч эрхэм нэр мөнх шүү. /Чингис хаан/

- Өчүүхэнийг басваас өргөс болно.

Үсийг томвоос дээс болно. /Чингис хаан/

- Буга гөрөөсийг битгий угт,буруулсан дайсныг бүү нэх. /Чингис хаан/

- Самуун улсыг цэргийн хүчээр тэгшитгэх, энх төр дор бичгийн ухаанаар засах. /Чингис хаан/

- Үлэмж хүчээ өгсөн хүмүүнийг илүү эс хайрлаваас хожим хүчээ өгөгчдөд хясамж болно. /Чингис хаан/

- Алтны дэргэд аваас шар нь халдмой.Аргалын бөгөөд дэргэд аваас үнэр нь халдмой.

/Чингис хаан/

- Хэн өөрийн гэрийн аж байдлыг сайн зохиож чадвал тэр харьяат улсаа захирч чадна.

/Чингис хаан/